في يــوم من الأيــام
قرر "محب" إنه يعزم "حبيبته" على الفطور و كان معملهاش خير
على خاطر الطفلة هذي مايعجبها شي
شوفوا الحوار وأحكموا >>>>>
- "هو": أش تحب تكل؟
- "هي": منعرفش انت شنية باش تهبط؟
- "هو" : أنا بيتزا
- "هي":اوك ، و حتى انا
- "هو": اوك
- "هي": ولا اسمع, مش لازم
- "هو": علاس؟؟؟ تحب حاجة اخرى
- "هي": لأ ، منعرفش
- "هو": انتي جعانة
- "هي": إممم ، منعرفش
- "هو":شنوة معنتها متعرفش, ياجعانة يا لا
- "هي": نص نص
- "هو": نطلبلك معيا ولا لا ؟؟
- "هي": لأ
- "هو": اوك
- "هي": ولا أسمع ، يمكن نجوع بعد شوية
- "هو": باهي هاني باش نطلبلك معيا و ماوصلت الماكلة كان ما انتي جوعت
- "هي": و باهي كان الماكلة جات و انا مزلت ماجعتش ؟
- "هو": مش مكلة ، خلي الماكلة قدامك و كيتجوعي كوليه
- "هي":تي ماهو الماكلة باش تبرد
- "هو": نطلبوا ماكلة مرة اخرى
- "هي": هذا يتسمى تبذير
- "هو": مالا ناخذ الماكلة امعنا
- "هي": هــــــمم , إفرض الي انا معادش عيني في البيتزا إمباعد
- "هو": مش مشكلة , نكلها أنا
- "هي": وأنا ما نكلش
- "هو": جننتيني ، من الأخر نطلبلك او لا
- "هي": مش لازم احسن
- "هو": أنا باش نطلب الماكلة معادش أنجم جعت على الاخر
- "هي": باهي
- "هي": أما أطلب بيتزا بالتون
- "هو": أما أنا مانحبش البيتزا بالتون
- "هي": أنا نحبها
- "هو": تي ماهو أنا إللى باش ناكلها
- "هي": ماهو يمكن كي تجي الماكة نجوع وناكل معاك
- "هو": هو أنتي تحب تأكل ولا لأ
- "هي": إحتمال
- "هو": يعني أنا لازمني نطلب بيتزا بالتون على خاطر إنتي (إحتمال) تأكلي معايا
- "هي": أيه بالظبط
- "هو": باهي لو أنتي جوعت وكيت البيتزا متاعتي أنا شنوة ناكل؟
- "هي": ماهو انا ممكن مانكلش أصلا معاك
- "هو": رحمتك يا رب
- "هي": شبيك ؟؟
- "هو": معنتها انتي لو ماكليتش , انا ناكل بيتزا منحبهاش ؟
- "هي": يعني أنت تاكل و أنا ما نكلش؟
ليست هناك تعليقات:
إرسال تعليق